Forcat e Ndërhyrjes së Shpejtë dhe Policia e Sarandës bashkuan sot forcat në një operacion të përbashkët për arrestimin e Klement Balilit, në fshatin Stjar të Delvinës.
Megjithatë, sipas raportimeve të fundit nuk bëhet fjalë për një operacion të veçantë, por për kontrolle në disa zona të ndryshme të Delvinës.
Bardhë e blutë kanë kryer kontrolle deri në orën 15:00 të ditës së sotme, në banesën e Klement Balilit dhe vëllezërve të tij, si edhe në banesa të tjera në fshat.
Kjo nismë e policisë është ndërmarrë, pas informacioneve të qytetarëve se i shumëkërkuari Balili mund të ishte kthyer në shtëpi. Që pas ofrimit të shpërblimit prej 50 milionë lekësh, informacionet për Balilin kanë ardhur duke u shtuar.
Megjithatë, edhe pas operacionit të sotëm, policia nuk zbuloi asnjë detaje mbi vendodhjen e Balilit. (D.D/Shuplaka)
