Ministri i Brendshëm Fatmir Xhafaj dhe drejtori i Poliscë së Shtetit Ardi Veliu kanë zhvilluar mbrëmjen e sotme një vizitë në Portin e Durrësit. Në një prononcim të shkurtër për gazetarët ministri Xhafaj vlerësoi policinë e Durrësit se ka goditur disa grupe kriminale në këtë qytet gjatë vitit 2017.
Ai paralajmëroi se në kuadër të operacionit “Forca e Ligjit” do ketë rezultate edhe më efikase në luftën ndaj krimit në qytetin bregdetar.
“Gjatë vitit të kaluar drejtoria vendore e policisë ka goditur disa grupe kriminale. Ka pasur disa goditje të drejtpërdrejta të grupeve kriminale në këtë qyetet. Por sërish mbetet për t’u bërë. Dhe në kuadër të “Forcës së Ligjit” do kemi rezultate të tjera në këtë qytet”, u shpreh Xhafaj.
(M.Q/Faxweb)
Discussion about this post