Pas operacionit të fundit nga policia, ku u raportua se ranë në pranga mbi 40 persona, ka ardhur dhe reagimi nga ministri Fatmir Xhafaj.
Në një postim në Twitter, Xhafaj konfirmon operacionin dhe shkruan se ky operacion është finalizuar në bashkëpunim me agjencitë e tjera ligjzbatuese.
Xhafaj bën me dije se detaje të reja do dalin në dritë nga Policia e Shtetit.
“Deshmi e Forcës së Ligjit dhe profesionalizmit në rritje të Policisë. Bashkëpunim i shkëlqyer me partnerët amerikanë dhe europianë. Tregues i qartë i besueshmërisë ndaj @PoliciaeShtetit . Forca e Ligjit do të vazhdojë të ndeshkojë të tjera grupe kriminale.
Një superaksion i finalizuar nga Policia e Shtetit dhe agjencitë e tjera ligjzbatuese në vend. Goditje njëkohësisht e disa grupeve kriminale. 7 në 1. Shumë shpejt detaje të tjera nga Policia e Shtetit.”-shkruan Xhafaj.
Burimet nga Policia raportojnë se në orën 14:00 do ketë një konferencë për mediat ku do bëhen të ditura detajet.
(F.G/Faxweb.al)
