Autoritetet greke dhe spanjolle ka përfunduar një aksion të rëndësishëm ku kanë rënë në prangat 17 persona. Ky aksion është finalizuar me mbështetjen e Europol-it dhe Eurojust-it, ku është shkatërruar një rrjet kriminal ndërkombëtar që dyshohej se ka futur kontrabandë mbi 2 ton ngjala nga vendet e BE-së në Kinë. Operacionet e kryera në Greqi dhe Spanjë kanë çuar në arrestimin e 17 personave dhe sekuestrimin e 2 ton ngjalave me vlerë 10 milion euro, shkruan Tv Klan. Janë sekuestruar nga policia edhe disa usb, makina luksoze, 1 milion euro në të holla dhe shufra ari.
“Operacioni Liqeni” tregon se çfarë rezultatesh të suksesshme mund të arrihen kundër trafikimit të kafshëve të egra, kur hetuesit e terrenit nga shtetet e ndryshme anëtare të BE-së punojnë së bashku. Plani i veprimit i BE-së kundër trafikimit të specieve në rrezik zhdukje, ofron një bazë solide për bashkëpunim. Në rastin konkret, ngjalat janë një prej specieve më të rrezikuara në Evropë. Peshkimi dhe tregtia e paligjshme përbëjnë një kërcënim të drejtpërdrejtë për mbijetesën e tyre. I përgëzoj ata që kanë treguar një mesazh të fortë… Se ne jo vetëm kujdesemi për mbrojtjen e biodiversitetit, por kemi kapacitetin për të vepruar”, tha Karmenu Vella, Komisioneri i Peshkimit, Mjedisit dhe Çështjeve Detare.
“Ky operacion është një shembull i mrekullueshëm se si shtetet anëtare të BE-së mund të përfitojnë nga mbështetja e Europolit për të trajtuar me sukses krimin e organizuar ndërkufitar. Do të doja të përgëzoja hetuesit e shteteve anëtare dhe Europol-it për punën e tyre të madhe dhe vendosmërinë. Agjencia jonë do vazhdojë punën e saj për të luftuar trafikimin e specieve të rrezikuara në BE”, tha Rob Wainëright, drejtori i Europol-it.
OPERACIONI:
Ky operacion ishte nismë e Shërbimit Spanjoll të Mbrojtjes së Mjedisit (SEPRONA) dhe fillimisht u zbulua se një kompani kishte bërë blerje të dyshimta ngjalash në 4 shtete të ndryshme. Sapo ngjalat ishin futur në tregun e ligjshëm, kompania i transportoi ato në Greqi duke përdorur dokumente false. Ngjalat ishin eksportuar në mënyrë të paligjshme në Azi si “peshk i freskët”. Operacioni, i quajtur “Abaia” është një rezultat i drejtpërdrejtë i “Operacionit Liqeni”, një aksion i përbashkët midis Francës, Portugalisë, Spanjës dhe Mbretërisë së Bashkuar.
“Operacioni Liqeni” ka nisur nga Europol në vitin 2015.
“Operacioni Abaia” është aksioni më i rëndësishëm i viteve të fundit në drejtimin e trafikimit të specieve të rrezikuara në BE.
Ngjalat evropiane (Anguilla anguilla) kanë filluar të zhduken me shpejtësi. Sipas vlerësimeve nga Këshilli Ndërkombëtar për Eksplorimet e Deteve (ICES), deri në vitin 2011, numri i “ngjalave xham” të lindura çdo vit ishte vetëm në 1% të nivelit që ka qenë para viteve ‘80. (J.V/Shuplaka)
