Detaje të reja kanë dalë në dritë lidhur me operacionin ku u arrestua ish shefi operacionales Oltion Bistri dhe drejtuesi i prokurorisë Kukës. Mësohet se lidhur me këtë operacion SPAK ka lëshuar 14 masa sigurie.
6 prej tyre janë ekzekutuar tashmë, 3 janë shpallur në kërkim, pasi nuk janë gjendur, ndërsa per 5 persona të tjerë masat nuk janë ekzekutuar pasi referuar sistemit TIMS, nuk janë në Shqipëri, ku kanë kaluar kufirin.
Ndaj tyre SPAK ka ngritur akuzat e korrupsionit, shpërdorimit të detyrës dhe grupit të strukturuar kriminal. Operacioni është zhvilluar në disa qytete, përfshi Tiranën, Shkodrën e Kukësin, ku janë kryer edhe arrestimet.
Mësohet se në pranga ka përfunduar shtetasi Pëllumb Gjoka një biznesmen i njohur në fushën e ndërtimit, por edhe drejtuesi i Prokurorisë së Kukësit Xhevahir Lita, si dhe ish- drejtori i policie ooeracionale në policinë e Shtetit Oltion Bistri.
Gjthashtu është arrestuar edhe shtetasi Ardit Hasanbegaj, ish efektiv, që rezulton i përjashtuar nga radhët e policisë një vit me parë si dhe Edmond Preka. Në kërkim janë shpallur edhe eksponente të njohur te botës së krimit në qytetin e Shkodrës, anëtarë të fisit Bajri. Deri më tani janë sekuestruar disa armë zjarri dhe prova të tjera materiale.
