Operatorët turistikë në zonën e Shëngjinit kanë zhvilluar ditën e sotme një protestë në lidhje me ndalimin e muzikës dhe orën policore që kushtëzon aktivitetin e biznesit të tyre.
Administratorët e bizneseve kërkojnë nga qeveria shtyrjen e orës policore dhe lejimin e muzikës deri në orën 02:00 të mëngjesit, pasi sipas tyre fasha orare aktuale po i dëmton rëndë të ardhurat nga turizmidhe ka bërë që Shëngjini të kthehet në një zonë të vdekur gjatë darkës.
“Nuk e di ç’a do bohet, por është e vetmja herë që bizneset dalin në protestë për orarin. Në çdo vend bregdetar duhet të lejohet muzika deri në orën 2 të mëngjesit.
Më 10 të darkës kanë dal prej dushit plazhistët dhe bëhen gati për jetën e natës, muzika nuk duhet të ndalohet në orën 10:00 pasi sa fillon puna.
Këtu do bëhet vetëm me pleq, do dalin njerëzit në 8 të mëngjesit dhe sdo dalin më në dark.
Përshkallëzimi i protestës nuk dihet si mund të shkojë, mund të mblidhen dhe 6 mijë veta këtu”, tha një prej operatorëve për kamerën e Faxnews.
“Ne punojmë këto muaj, 11 muaj i vejmë celësat tani punojmë.Të parët që penalizohen janë shqiptarët që vijnë nga jashtë. Kërkojmë që muzika të lejohet deri në 01:00. Kufizimi i muzikës na largon klientët. Këtu është bërë si për pleq”, shprehet një tjetër biznesmen.
Discussion about this post