Xhudistja kosovare, Majlinda Kelmendi është operuar me sukses ditën e sotme, pas një komplikim në ligamentin kryqëzor.
Lajmin e ka bërë të ditur trajneri i saj Driton Kuka, i cili shkruan se Klemendi është operuar sot dhe gjithçka ka përfunduar me sukses.
Kuka e ka cilësuar këtë ditë si njërën nga më të lumturat në jetën e tij, teksa nuk ka harruar t’i falënderoj edhe ata që ndihmuan operimin.
“Për ditëlindjen time sot lajmi i mirë është që ajo që më ka ba krenar ka kalua operimin me sukses të plotë!
Doktor Florini të faleminderit ty nga zemra!
Sot Kampionja Olimpike dhe Xhudistja më e mirë e Planetit operoj Ligamentin Kryqëzor me sukses!
Ajo të cilës ju kam friguar gjatë garave ajo edhe kishte ndodh,Majlinda kishte pësuar lêndim gjatë garës në Budapest!
Disponimi i saj pas operimit është i mirë si në foto dhe dhashtë Zoti të tejkaloj sfidën me sukses dhe të rikuperohet sa më shpejt!
Rehabilitimin do e vazhdoj në Slloveni tek njeriu që edhe herën e parë e kishte rehabilituar për gara Mitja Bračič
Së bashku drejt Tokios që është caku final i Majlindës”, shkruan Kuka.
Ka qenë ky shkaku që në ndeshjen e fundit, xhudistja nuk ka pasur paraqitje shumë të mira, lëndimi të pësuar në ligamentin kryqëzor që nuk e ka lejuar atë të ishte në formën më të mirë.
(S.SH/Shuplaka)
Discussion about this post