Partia demokratike e ka përshëndetur opinionin e Komisionit të Venecias në lidhje me Vettingun. Opinion i Venecias shprehte se në parim ligji nuk cënon asnjë nga vërejtjet e ngritura nga Gjykata Kushtetuese.
PD-ja në njoftimin e saj i kërkon Gjykatës Kushtetuese që ta shqyrtojë sa më parë këtë çështje. Nuk e dimë nëse dakordësia e të dyjave palëve politike në vend në lidhje me opinionin e Venecias do të sjellë zgjidhjen përfudimtare të ligjit më të debatuar të Vettingut.
PD ka shtuar më tej se opinioni i Venecias i jep çështjes objektivitetin që i mungonte.
Sipas PD-së, Venecia është shprehur qartë në lidhje me institucionet të cilat nuk duhet të jenë në varësi të kryeministrit. Edhe maxhoranca nga ana tjetër e ka vlerësuar opinionin, por zgjidhja e përbashkët mes palëve nuk është arritur ende.
Nuk është hera e parë që i njëjti opinion apo qëndrim të lexohet në dy mënyra të ndryshme nga kampet politike.
