Taulant Balla ka bërë të ditur se është miratuar draft-opinioni përfundimtar I Komisionit të Venecias lidhur me dekratin e Presidentit Ilir Meta, duke thënë se ishte tepër professional, ndërsa për këtë qëndrim ka reaguar Tedi Blushi.
Zëdhënësi i Presidentit shprehet se Ballaka ‘hëngër dajak’ për propagandën dhe rrjedhjen e informacionit të raportit paraprak që u publikuar para disa ditësh.
“Propozimet e Tao Tao-s gajasën sot të madh e të vogël në Komisionin e Venecias.
Hëngri një dajak të fortë, por mënd nuk zuri, dhe vazhdon propogandën bajate me titra të porositura.
I kujtoj Tao Tao-s “hurin” që mori nga raporteri i çështjes për rrjedhjen në media të Draf-Opinionit, për keqpërdorim politik. Dhe nëse nuk është ftilluar akoma, ai dhe delegacioni që e shoqëron, le të bëjnë një vizitë në Bienalen e Venecias, se ndoshta u bie stresi.
Sa për Presidentin, çështja është e qartë si kristali: ZERO SHKELJE TË KUSHTETUTËS.
Tani të gjithë të bashkuar të mbështesim kuqezinjtë në sfidën e mbrëmjes”, shprehet Tedi Blushi.
Ditën e sotme është miratuar draft-opinioni përfundimrtar, në përgjigje të kërkesës së Komisionit Hetimor Parlamentar për Shkarkimin e Presidentit, Ilir Meta me argumentin se ka shkelur Kushtetutën me dekretin e anulimit të zgjedhjeve të 30 Qershorit.
Kreu i grupit parlamentar socialist, Taulant Balla ndodhet në Itali dhe ka marrë pjesë në punimet e Komisionit të Venecias, nga ku ka deklaruar se draft-raporti është i plotë dhe dhe profesional.
“Draft-opinioni është i plotë dhe analiza është shumë profesionale. Kam disa propozime për amendimin e raportit. Presidenti i Republikës nuk ka bërë asnjë përpjekje për dialog mes partive. Shkeli të drejtën themelore të drejtën për t’u zgjedhur”, ka thënë Balla.
(F.GJ/FAXWEB.AL)
