PD dhe LSI kanë paraqitur në Prokurori padinë penale kundrejt deputetëve të mazhorancës, pasi i akuzojnë këta të fundit se kanë shkelur rregulloren e Kuvendit duke rrëzuar dekretin e Presidentit Ilir Meta për ligjin e tatimin mbi të ardhurat.
Në kallëzimin penal që kanë paraqitur, PD e LSI theksojnë se është shkelur rregullorja e Kuvendit pasi e kanë rrëzuar dekretin e Presidentit pa kaluar 12 orë nga miratimi dhe administrimi i këtij akti në Kuvend. Ata akuzohen nga opozita për veprat penale “ushtrim të ndikimit të paligjshëm të funksionarëve publikë” dhe për “shpërdorim detyre”.
I ftuar në studion e televizionit “Fax News”, deputeti i Partisë Socialiste, Ervin Bushati, ka ironizuar me opozitës, teksa tha se opozita i ka rënë shpesh herë këmbanës së alarmit, por nuk ka ndodhur asgjë.
“Opozita i ka rënë këmbanës së alarmit për betejën finale, si për parkun e liqenit, protestën studentore etj., por që ende ska asgjë.
Nëse ka thyerje të ligjit, merret prokurori janë organet përkatëse kompetente, nuk merren organet ligjvënese me të”, – tha Bushati.
Duke u ndalur tek rrëzimi i dekretit të Presidentit për Tatimin e Dividentit ai tha se është një qëndrim politik nga Meta.
“Në radhë të parë kam respekt për Presidentin e Republikës, pasi ai është vendosur pët të qenë përtej politike, e kështu ai nuk duhet të flasë në terma politikë. Në disa prej çështjeve të diskutuara, Presidenti ka ndërhyë duke mbajtur anë politike.
Një maxhorancë ka 5 votime të rëndësishme në qeverinë e sajë, është qeveria dhe 4 buxhetet. Presidenti lidhur me tatimin mbi dividentin, tha se shkel parimin e barazisë, por ka pasur shumë raste që mund të ishin argumentuar si pabarazi, por ne nuk mendojmë se shkel barazinë.
Jam krenar se kur bëmë këtë ndryshim janë zhvilluar takime me përfaqesues të grupeve të interesit”, – tha Bushati.
(B.B/ Faxweb.al)
Discussion about this post