Pas shakasë që kryeministri Edi Rama bëri sot për qeverinë teknike, protestuesit e opozitës i janë përgjigjur me një banderolë prej lecke, të cilën e kishte varur në kangjellat e Kryeministrisë.
“Edi Rama Gëzuar 1 Prillin”, shkruhet në banderolë.
Kryeministri Edi bëri një deklaratë shumë të fortë sot përmes rubrikës së tij në Facebook, Amarcord, ku shkruante se sapo kanë përfunduar përgatitjet për qeverinë teknike. Mirëpo po të vazhdosh të lexosh edhe pak rreshta më tutje, kupton se e gjitha është vetëm një gënjeshtër e “1 prillit”. “Helbete, dita e rrenave është dhe nuk bëhet qameti!”, shkruante Rama.
Por kjo mesa duket nuk u ka pëlqyer protestuesve të opozitës, të cilët prej më shumë se 40 ditësh kërkojnë krijimin e një qeverie teknike. (D.D/Shuplaka)
