Deputeti i dorëhequr Edi Paloka gjatë një deklarate për mediat në selinë e Partisë Demokratike duke folur për seancën parlamentare që do të zhvillohet sot në orën 17:00, u shpreh se ajo do të jetë një seancë ilegjitime.
“Është mbledhja e një parlamenti ilegjitim. Ky parlament nuk përfaqëson më jo vetëm shqiptarët, por edhe ata që dikur mund të kenë votuar PS-në. Ky parlament është tërsisht ilegjitim pasi e rrethuan me tela me gjemba. Sot kanë kaluar në një ilegjitimet të plotë. Të jenë të bindur se me këtë taktikë dhe strategji nuk do të shkojnë kurrkund.”– deklaroi Paloka.
Për sa i përket akuzave Taulant Ballës se opozita kërkon që ti shpëtojë hetimit të Strukturës së Posçme Antikorrupsion (SPAK), deklaroi se nuk kanë pse të kenë frikë pasi ato tashmë janë pa imunitet.
“Këto banalitetet e Taos tani ne që dorëzojmë imunitetin na thonë që kemi frikë nga drejtësia. Ne duhet të kemi frikë nga drejtësia që kemi 6 vite në opozitë?
Ne kerkojmë që tu krijojmë shqiptarëve zgjedhje të lira dhe të ndershme. Nuk mund të marrin më asnjë vendim ato. Lodhen kot edhe që fshihen, edhe që bëjnë këto akte.”- u shpreh Paloka.
(M.Q/Faxweb.al)
Discussion about this post