Ditën e sotme Partia Demokratike do të depozitojë në Parlament kërkesën për ngritjen e një komisioni Ad-Hoc për Reformën Zgjedhore.
Partia Demokratike shqetësimin e saj e ka në shitblerjen dhe manipulimin e votës, si dhe votimin e numërimin elektronik dhe këto priten të diskutohen në një komision të Posaçëm që do të ngrihet në Parlament.
Kryesia e Grupit Parlamentar të PD-së vendosi të premten që të depozitonte të hënën në kuvend, kërkesën për ngritjen e komisionit ad hoc parlamentar për reformen zgjedhore.
“Kryesia e Grupit Parlamentar të PD vendosi sot të depozitojë të henën në kuvend, kërkesen për ngritjen e komisionit ad hoc parlamentar për reformen zgjedhore. Në fokus janë dy pika kryesore. Problematikat e zgjedhjeve që kanë të bëjnë me shitblerjen dhe manipulimin e votës, dhe e dyta, votimi elektronik”, mësoi “Shuplaka”.
Marrëveshja e 18 majit mes Kryeministrit Rama dhe kreut të opozitës Basha, parashikonte një bashkëpunim për ndryshimet në Kodin Zgjedhor dhe maxhoranca nuk ka humbur kohë, duke rikthyer në Kuvend për diskutim të gjitha propozimet ligjore që parashikojnë ndryshime në Kodin Zgjedhor. Janë gjithsej 6 propozime ligjore që lidhen me ndryshime në Kod, një pjesë e të cilëve janë propozuar nga opozita dhe pjesa tjetër, nga deputetët e shumicës. (J.V/Shuplaka)
[ngg_images source=”galleries” container_ids=”2796″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post