Vetëm pak minuta më parë kanë mbërritur në parlament disa deputetë të opozitës. Sapo ka marrë fjalën Edmond Spaho ka kërkuar llogari pse Klement Balili po kërkohet nga policia për një kontratë toke bujqësore. Spaho i kërkoi llogari kryeministrit pse e emëroi drejtor, kur opozita e kishte denoncuar që në 2014-ën si të përfshirë në trafikun e drogës.
“Po bëhet teatër me interprelanca dhe po përpiqeni me kontrata të shpikura që t’i lini dobiçin në derë opozitës për krerët e drogës të i kani mbajtur në sqetulla, keni jetuar e ndarë fitimet me ta dhe sot vazhdoni t’i fshini e mos t’i vini përballë drejtësisë.
Është qesharake kur dëgjova se Klement Balilajn e mbroka opozita, se ne jemi fajtor se qenka baroni i rajonit dhe jo vetëm i Shqipërisë. Kush e emëroi drejtor Baliajt? Edi Rama, ja ku është këtu pse e emërove drejtor?
Në maj 2014 opozita e ka denoncuar si baronin e drogës? Kush qeshi me akuzën? Rama se vinte e bënte humor me opozitën.
Në 2016 zotëria dha intervistë, cohem në 6 për një copë rrogë tha Balilaj dhe akuzoi opozitën se shpif, dhe kush e mbrojti?”, u shpreh Spaho. (J.V/Faxweb)
