Partitë opozitare në Kosovë kërkojnë urgjentisht që të ndërpritet dialogu me Serbinë në Bruksel. Sipas analistëve vendas, muri në Mitrovicë po vështirëson situatën mes shqiptarëve dhe serbëve në Kosovë, çka mund të shkaktojnë tensione potenciale.
Për shkak të ngjarjeve në veriun e Mitrovicës dhe mosimplementimin e marrëveshjeve të arritura mes Prishtinës dhe Beogradit zyrtar, opozita shprehet kundër vazhdimësisë së dialogut. Sipas disa opozitarëve, zgjidhja e problemeve mund të arrihet me largimin e ministres Tahiri ose dorëheqjen e kryeministrit Mustafa, shkruan “Zëri”.
Lëvizja “Vetëvendosje e cilëson si të rrezikshëm ndërtimin e murit në Mitrovicë. Sipas koordinatores Teutë Rrusta, ky veprim i tillë vjen si pasojë e negociatave në Bruksel: “Ndërtimi i murit në Mitrovicë më së shumti e rrezikon sovranitetin dhe integritetin territorial të Kosovës, e cenon shtetësinë e saj. Ky mur, i cili vjen pikërisht si pasojë e negociatave të padrejta dhe pa kushte, e thellon edhe më shumë gjendjen e rënduar, ku është katandisur Republika e Kosovës.”
