Profesori dhe studiuesi Elmaz Sherifi i ftuar në “Natë me Xhaxhiun” në Fax News, foli mbi aktualitetin politik në vend, ku komentoi dhe aksionin e opozitës për të djegur mandatet.
Sherifi u shpreh se veprimi i opozitës është inextremis, por ka arritur në një fazë që nuk mund të kthehet dot më pas.
Po ashtu Sherifi u shpreh se situate është shumë shqetësuese, por faktori ndërkombëtar do të ndërhyjë dhe do të ketë ndikim mbi të dyja palët politike.
“Unë e shoh me shumë shqetësim këtë situatë politike dhe aq më tepër mënyrën sesi e percepton kryeministri këtë situatë.Ndoqa diskrursin e tij dhe për mua tregonte shqetësim. Unë e shikoj me shqetësim, pasi na mungon kultura politike konstitucionale. Vendimi i opozitës është inextremis.
Opozita nuk mund të tërhiqet më mbrapa sepse përndryshe do të dobsohej. Shikoj që është gjallëruar opozita. Në gjykimin tim, opozita nuk duhet të tërhiqet. Do të kemi një parlament të përgjysmuar, të sakatuar, që këtu nuk bën përshtypje, por që do të bëjë përshtypje tek faktori ndërkombëtar. Mendoj se faktori ndërkombëtar do të ketë ndikimin, do të ndërhyjnë. Do të ndërhyjnë dhe me siguri ngjarjet nuk do të jenë kështu siç janë sot.
Opozita ka gabuar me marrëveshjen e 17 majit 2017. Unë mendoj se situata në Shqipëri është tejet e ngarkuar. Ofrohen në ekzekutiv, njerëz që nuk kanë kontrubut në politikë. Shikoj më shumë shqetësim PPP-të. Kemi një prokurore që nuk vepron fare mbi këto dosje. Unë mendoj se maxhoranca e sotme nuk është ajo që mendon se është, pasi ka shumë probleme. Opozita kërkon dhe që të sensibilizoje institucionet ndërkombëtare.”– u shpreh Sherifi.
(M.Q/Faxweb.al)
