Zyrtarja e Lartë e BE-së Federica Mogherini dhe komisioneri për zgjerimin Johannes Hahn, përmes një deklarate për shtyp kanë reaguar për mosrregjistrimin e partive opozitare në zgjedhje.
“”Jemi të keqardhur për bojkotin e parlamentit dhe faktin që opozita nuk është regjistruar ende për të marrë pjesë në zgjedhje. Debati politik duhet të zhvillohet brenda parlamentit sipas praktikës demokratike dhe jo jashtë tij.”, thuhet në deklaratën e përbashkët të dy zyrtarëve të BE-së.
Ndërkohë, sipas zyrtarëve të lartë të BE-së, politikanët duhet të sillen në mënyrë të përgjegjshme, duke nënkuptuar kështu se opozita po tregohet e papërgjeshme.
“Qytetarët meritojnë të kenë një lidership të përgjegjshëm. Ne i bëjmë thirrje sërish politikanëve që të sillen në mënyrë të përgjegjshme, në respekt të institucioneve dhe të hapin rrugën për zgjedhje demokratike, në përputhje me standardet ndërkombëtare”, vijon deklarata.
Më tej, dy zyrtarët bëjnë kërkesën që partitë të përfundojnë formimin e institucioneve të Vettingut.
“U bëjmë thirrje partive që të përfundojnë formimin e institucioneve të vettingut. Sulmi i reformës në drejtësi dhe jo implementimi i saj, me monitorimin e ngushtë të ONM-së, dëmton të tashmen dhe të ardhmen e Shqipërisë”, thuhet më tej në deklaratë. (D.D/Shuplaka)
Discussion about this post