Ndërkohë që sot është vendosur të mbahet seanca plenare e radhës nga deputet e shumicës opozita do të protestojë sot sërish para Parlamentit, duke kërkuar largimin e qeverisë.
Organizimi i protestës do të jetë i ngjashëm me organizimin e protestave të mëparshme ndërkohë mësohet se peshën kryesore do ta mbajnë të rinjtë e forumit rinor të PD-së.
Lulzim Basha kreu i PD-së do të mungojë sot në protestë pasi është nisur të martën drejt Gjermanisë, ku do të takohet më përfaqësues të CDU-së për t’i njohur me situatën politike në Shqipëri.
Policia ka hartuar një plan të detajuar masash, për të mos lejuar përplasjen e protestuesve me deputetët e shumicës.
Është betuar sot në Kuvend Ambra Borova deputete e LSI e qarkut Shkodër e cila mungoi në seancën e betimit të javës së kaluar për shkak se ishte bërë nënë pak ditë më parë.
Ndërkohë në seancën e ardhshme plenare pritet të betohen dhe 2 deputetët e opozitës së re Korab Litja dhe Halil Jakimi nga PD, të cilët kanë dorëzuar formularin e vetëdeklarimit.
Deri në këto momente numri i opozitës në Parlament ka shkuar 22.
Discussion about this post