Një postobllok me efektivë të shtuar është vendosur të rrethrrotullimi i Bradasheshit në Elbasan. Asnjë mjet qytetar nuk lejohet ti drejtohet kryeqytetit.
Me nisjen e prishjes së Teatrit Kombëtar qytetar të shumtë kanë shfaqur interesin ti bashkohen protestës në Tiranë, por nuk janë lejuar të kalojnë, duke u kthyer mbrapsht, aq sa qytetaret kanë reflektuar nervozizëm.
Forcat policore, të ndihmuara edhe nga forcat e ushtrisë, nuk lejojnë qarkullimin me ose pa autorizim; të dy rrugët e vjetra drejt Tiranës janë të bllokuara, kjo sepse ka patur një njoftim të opozitës për një bashkim drejt Tiranës për protestën për Teatrin Kombëtar në kryeqytet.
Ish-deputeti Luçiano Boçi që ka dalë të udhëtojnë nga autostrada, nuk është lejuar nga Policia dhe ka pasur një debat verbal mes tyre. Kujtojmë se nëpërmjet Rrethrrotullimit të Bradasheshit bëhet lidhje e kryeqytetit me 7 bashkite e qarkut Elbasan, por edhe Korçën. Sot keta qytetar nuk janë lejuar të shprehin qendrimin e tyre në mbrojtje të Teatrit.
Po ashtu edhe në Kukes është ngritur postobllok policie në dalje të qytetit. Burime bëjnë me dije se nuk po lejohen atomjete të levizin në drejtim të Tiranës.
Edhe në Durrës policia nuk ka lejuar aktivistët e FRPD-së që të nisen drejt Tiranës, duke i ndaluar dhe duke mos i lejuar që të lëvizin.(M.Q/Faxweb.al)
