Pas koncertit të këngëtarit shqiptar Ermal Meta, një tjetër shqiptare e kthyer në një yll botëror do të “ndezë” nesër Sheshin Skënderbej.
Rita Ora ka mbërritur tashmë në Tiranë pas 6 vitesh, dhe pritet që nesër të zhvillojë koncertin e saj të parë për audiencën shqiptare.
Detajet e fundit para koncertit për Fax News i ka dhënë Julinda Dhame, Drejtore e Pergjithshme e Promovimit te Qytetit në Bashkinë e Tiranës.
Dhame ka thënë se një fakt tejet interesant është se përkrah Rita Orës do të ketë vetëm këngëtare femra.
“Përkrah Rita Orës do të ketë vetëm këngëtare femra.
Rita Ora do të marrë çmim nga kryetari i Bashkisë. Do të ketë këngëtarë të tjerë gjatë verës. Nuk do t’i japim rëndësi vetëm këngëtarëve, por edhe artistëve. Në Tiranë sot përfundon arti i grafitit. Në 15 qershor, dita e Mjedisit. Kemi hapur palestrat e shkollave që gjatë verës të ketë aktivitete. “-është shprehur Dhame.
(F.G/Faxweb.al)
