Kryeministri i Hungaria Viktor Orban deklaroi se nuk do të bllokojë negociatat që fillojnë për anëtarësimin e Ukrainës në BE, pavarësisht se ka dyshime për to dhe beson se ato janë të motivuara politikisht. Orban u shpreh se së pari duhet të zbulojë se cilat janë pasojat e pranimit të një vendi në luftë, kufijtë e të cilit nuk janë të përcaktuar në praktikë, i një vendi që është i madh për bujqësinë evropiane.
“Hungaria nuk është dakord me procesin, por ne nuk e bllokojmë atë dhe mbështesim fillimin e negociatave. Nuk është fjala për të thënë po ose jo anëtarësimit në BE. Por së pari duhet të zbulojmë se cilat janë pasojat e pranimit të një vendi në luftë, kufijtë e të cilit nuk janë të përcaktuar në praktikë, i një vendi që është i madh për bujqësinë evropiane. Ne po fillojmë negociatat pa qartësi për këto çështje, gjë që nuk është mirë. Është një proces thjesht i motivuar politikisht”, tha kryeministri hungarez.
Discussion about this post