Orë të tëra në det, Forcat Detare e lënë në mes operacionin. Gomonia me drogë mbetet e braktisur në brigjet e Sazanit

Pas 12 orësh në ujë, Forcat detare nuk kanë arritur do që ta çojnë deri në fund operacionin për të sekuestruar drogën që ndodhet në një gomone, e cila ka ngecur në brigjet e ishullit të Sazanit.

Gomonia në fjalë është gjetur e braktisur dhe sipas televizionit Top Channel, në bordin e saj ndodhet më shumë se një ton kanabis.

Në këtë sasi nuk llogariten pakot e tjera të hedhura në det. Ndërkohë për trafikantët e lëndës narkotike, ende nuk dihet asgjë. Sipas policisë ka dy opsione për ta, ose kanë shpëtuar nga ndonjë mjet i vogël që u ka ardhur në ndihmë, ose janë mbytur në det.

Gjatë operacionit të sotëm, të realizuar nga Forcat e Policisë kufitare dhe ato të Delta Forcë , një anije iu afrua gomones së ngarkuar me kanabis mirëpo ajo nuk ia doli ta çonte deri në fund operacionin. Kjo për shkak të detit të trazuar. (D.D/Shuplaka)