“Ore idiotë të Rilindjes! Me “teka”, është ai që nuk e do groshën pa mish, jo ai që i do zgjedhjet pa kriminelë”, kështu shkruan në një postim në rrjetet sociale Genc Sejko duke iu referuar krizës politike në vend, dhe përpjekjeve të mazhorancës për të sfumuar kërkesat e opozitës.
Sejko është dhe një nga nismëtarët e #Edheunë, që synon pengimin e votimeve në 30 Qershor, nismë e mbështetur dhe nga personazhe të tjera si Fatos Lubonja apo Bujar Kapexhiu.
Një nga kërkesat që është diskutuar më së shumti nga opozita është ajo për hetimin e blerjes së votave, një fenomen që ka shoqëruar Shqipërinë si në zgjedhjet e vitit 2017, ashtu edhe ato më herët.
Megjithatë këto kërkesa kanë rënë në vesh të shurdhët, dhe mazhoranca mbetet e vendosur që të ecë përpara me planin e saj për të mbajtur zgjedhjet në 30 Qershor, e vetme, me shumicën e Bashkive që e ka në xhep fitoren.
(E.K/Faxweb.al)
Discussion about this post