Prótestuesit janë mbledhur në shesh të Prishtinës për të kërkuar zgjedhje të reja, ndërsa kryeministri në detyrë, Albin Kurti doli në ballkonin e qeverisë për ti mbështetur. Në fotografi vihet re qartë fytyra e buzëqeshur e Kurtit pas të cilit qëndrojnë edhe deputetë të Lëvizjes Vetëvendosje.
Ndërkohë, gjyqtarët e Gjykatës Kushtetuese në Kosovë janë mbledhur dhe po e trajtojnë lëndën për dekretin e Presidentit Hashim Thaçi, përmes së cilit është mandatuar Avdullah Hoti për kryeministër. Ka mbetur edhe një ditë deri në përfundimin e afatit për shpalljen e aktgjykimit nga Gjykata Kushtetuese.
Gazeta Express mëson se gjyqtarët e Kushtetueses janë mbledhur dhe po e trajtojnë lëndën e dërguar nga Lëvizja Vetëvendosje për interpretim të dekretit të Presidentit Hashim Thaçi, me të cilin i është dhënë e drejta LDK-së për ta formuar Qeverinë.(A.M/Faxweb.al)
Discussion about this post