Prej disa kohësh Premier League angleze është ktheyr në një nga kampionatet më të preferuara të shumë lojtarëve.
Në çdo merkato do të ketë goditje të reja, ndërsa edhe këtë verë nuk kanë munguar emrat e mëdhenj që janë transferuar drejt Anglisë.
Ndërkohë që jo më pak emra të njohur janë në rradhët e drejtuesve të skuadrave nga Guardiola te Murinjo apo Konte dhe Klop.
Sakaq dje një kthesë të papritur ka marrë operacioni i Çelsit për të transferuar Aleks-Okslejd Çembërleinin nga Arsenali
. Kampionët e Anglisë dhe Arsenali kishin akord për transferimin e mesfushorit 24- vjeçar për 35 milionë paund në “Stamford Bridge”, në pritje të arritjes së marrëveshjes me lojtarin, por “Sky Sports” ka zbuluar se mesfushori nuk dëshiron që të kalojë në skuadrën e Antonio Kontes dhe preferon një transferim te Liverpuli.
Atij i skadonte kontrata në fund të këtij sezoni dhe pas refuzimit për të rinovuar, “topçinjtë” vendosën ta shesin. Liverpuli ka qenë gjithashtu një prej skuadrave të interesuara gjatë kësaj vere dhe tani pritet lëvizja e Klopit në këto 24 orët e fundit. Por përpara se klubi i kuq të lëvizë, do të presë çfarë do të ndodhë me ofertën e tyre për Lemarin.
Nëse “reds”-at do të barazojnë ofertën e Çelsit, atëherë futbollisti do të transferohej në “Anfield Road”, duke lënë të tërbuar Konten, i cili i bën presion klubit për merkaton.
Ngushëllimi i vetëm i trajnerit italian është kërkesa e Deni Drinkuotërit për t’u transferuar nga Leiçesteri. Mesfushori i “dhelprave” pritet që të transferohet në “Stamford Bridge” për të mbushur boshllëkun e largimit të Matiçit drejt Junajtid.
Blutë e Londrës përfliten se kanë dorëzuar edhe një ofertë prej 25 milionë paundësh për Ros Barkljen e Evertonit, e cila është refuzuar, por ata parashikohet që të rikthehen sërish.
JORENTE – Çelsi mund të bëjë të tijin sulmuesin e Suonsit, Fernando Jorente, dëshirën e vjetër të Antonio Kontes, në ditën e fundit të merkatos.
Kampionët kanë dorëzuar një ofertë prej 15 milionë paundësh për ish-sulmuesin e Juventusit dhe uellsianët pritet ta pranojnë, por jo përpara sesa Vilfrid Boni, ish-sulmuesi i tyre 2013-2015, të marrë dritën jeshile nga Mançester Siti për t’u rikthyer në “Liberty Stadium”.
Jorente ka qenë në radarët e bluve të Londrës prej një kohe të gjatë, ndërsa Konte u përpoq që të firmoste me spanjollin edhe gjatë merkatos së janarit.
Spanjolli do të vijë që të bëjë zëvendësin e Moratës pasi Diego Kosta me shumë mundësi do rikthehet në Madrid tek Atletiko. Liverpuli, teksa mbrohet nga sulmet katalanase për Kutinjon, po përpiqet të sigurojë në minutat e fundit shërbimet e Virxhil Van Dijk të Sauthemptonit, me lojtarin që është shumë i kërkuar edhe nga Çelsi.
Discussion about this post