Një organizatë e fshehte greke e quajtur “Grupi i lartë i policisë” me bindje ekstremiste ka kërcënuar publikisht disa figura publike në Shqipëri. Në një komunikatë për shtyp kjo organizatë si kundërpërgjigje për vrasjen e Konstadino Katsifas që humbi jetën në Bularat dhe shpalljen non grata të 53 shtetasve grekë, ka paralajmëruar ndëshkimin e një liste prej 64 shqiptarësh.
Ekstremistët nuk e kanë publikuar të plotë listën, por vetëm disa nga personat që janë më të njohur. Pjesë e listës është gazetari investigativ, Artan Hoxha, humoristi i njohur Agim Bajko, drejtues i një OJF-je Ilir Mukaj, kryetari i PDIU-së Shpëtim Idrizi, shoqata “Djemtë e Labërisë”, deputeti i PDIU-së, Dritan Bici, aktivisti për bashkimin e trojeve shqiptare, Tahir Veliu.
Përtej këtij grupi, disa media greke e kanë cilësuar fyese dhe përdhosje të viktimës humorin e Bajkos në emision, i cili është shprehur se Katsifas mori armën pasi nuk ishte në listën e personave të paguar nga Greqia. Sipas ‘Star News’ Agim Bajkon është i marrë.
Më tej në kronikën e përgatitur me këtë rast, flet edhe kreu i PBDNJ, Vangjel Dule, sipas së cilit nëse punon në shtet dhe ngre zërin për të drejtat e minoritetit, rrezikon të humbasësh punën. Një tjetër i intervistuar nga televizioni grek thotë se minoriteti mbyllet në shtëpi nga frika.
(J.D/Faxweb.al)
