Presidenti i republikës, Ilir Meta ashtu siç kishte paralajmëruar ka dalë në një konferencë për mediat ku shprehet se organizata e Rilindjes kërkon që të rrëmbejë anëtarët e Gjykatës Kushtetuese, duke minuar këtë të fundit.
“Të gjithë të kuptojnë super perlën e rilindjes. Se si një organizatë që ka shembur çdo ndarje pushtetesh rrëmben në mënyrë antikushtetuese dhe mafioze, përmes falsifikime dhe manipulimeve anëtarë të gjykatës kushtetuese, për të mos pasur më Gjykatë Kushtetuese, por policinë antikushtetuese të regjimit të Lleshit. Rilindja një organizatë mafioze në krye të shtetit”, tha Meta.
Ndërkohë Meta ka lënë këshilltarin ligjor Bledar Dervishaj që të arsyetojë sesi maxhoranca ka shkelur kushtetutën.
“Sot do bëhen publike provat e reja që faktojnë ndërhyrjen e Qeverisë në procesin e Ripërtëritjes së Gjykatës Kushtetuese. Më 21 shtator 2019 Këshilli i Emërimeve në Drejtësi mblidhet për të bërë listimin e anëtarëve të Gjykatës Kushtetuese. Sipas ligjit Këshilli ka vendosur që ligji hy në fuqi dhe publikohet në Faqen Zyrtare të Gjykatës së Lartë. Prova e dytë, më 22 shtator, faqja e Gjykatës së lartë publikohen të katër vendimet e KED, për të katër kandidatët dhe këshilli vendosi miratimin e anëtarëve për vakancën e shpallur nga Presidenti, nga Kuvendi. Këshilli ka ndjekur radhën që dikton Kushtetuta dhe ligji. Ato që ligji parashikonte u zbatuan edhe me botimin e këtyre akteve në faqen e Gjykatës së Lartë.
Kalojmë te prova tjetër.
Presidenti emëroi anëtarin e parë të Gjykatës dhe më pas Presidenti i kërkoi Kuvendit të vendoste për anëtarin e dytë. Duke parë që Kuvendi kishte vendosur ta shtynte dha ta shfrytëzonte në maksimum 30 ditëshin e tij, Presidenti mori një akt dhe vendimin ja drejton Kuvendit të Shqipërisë, kryetarit Gramoz Rucci, Avokatit të Popullit dhe Dvoranit. Ky komunikim iu përcoll të gjitha ambasadave prezentë në Shqipëri. Në shkresë presidenti synon respektimin e normës në zbatimin e radhës të emërimit të anëtarëve të Gjykatës Kushtetuese”.
