Orteku godet hotelin në Itali, ekipet e shpëtimit: “Ka shumë të vdekur” Pushuesit e vegjël alarm përmes whatsapp-it

Ekipet e shpëtimit që ndodhen në zonën e hotelit  në Gran Sasso (Itali) që u godit nga orteku, shprehen se ka shumë viktima.

Orteku goditi hotelin në zonën turistike të Pescara-s ku ndodheshin rreth 22 turistë dhe 7 punonjës. “Ka shumë të vdekur të shkaktuar nga orteku që goditi hotelin “Rigopiano”, janë shprehur burime të ekipeve të shpëtimit që e kanë përshkruar si sfidë më vete mbërritjen në vendngjarje.

Dy fëmijë të vegjël, pushues të hotelit shprehën situatën alarmante përmes mesazheve në aplikacionin “Whatsapp” ku shkruanin: “Alarm, hoteli zhytur në borë”.

Deri tani, raportohet se dy persona që në momentin e goditjes nga orteku ishin jashtë, janë tashmë të sigurtë, ndërkohë që dhjetëra të tjerë janë të bllokuar brenda pa ditur gjendjen e tyre.

Ndërkaq, mediat italiane kanë raportuar për të paktën 80 lëkundje tërmeti vetëm gjatë natës së mbrëmshme. (XH.A/SHUPLAKA)