Orteku në Itali, 5 të vdekur dhe 23 persona të humbur deri më tani

Numri i të vdekurve për shkak të një orteku që goditi një hotel në Itali, ka arritur në pesë persona.

Ndërkohë, autoritetet bëjnë me dije se 23 persona të tjerë vazhdojnë të jenë të humbur, pavarësisht se forcat e shpëtimit pre ditësh janë vënë në kërkim të tyre.

 “Dy burra dhe dy gra, katër të mbijetuar të tjerë u nxorën gjatë mbrëmjes së kaluar dhe këtë mëngjes”, njoftoi një zyrtar i prefekturës së Abruzzo.

Por përveç të mbijetuarve, djemtë e Forcave të shpëtimit kanë gjetur edhe trupat e dy grave dhe të një burri, duke e çuar kështu numrin e viktimave në pesë.

Deri më tani, shefi i Mbrojtjes Civile, Fabrizio Curcio ka deklaruar se numri total i personave të shpëtuar është 11. (D.D/Shuplaka)