Tetë persona rezultojnë të jenë gjetur të gjallë në hotelin “Rigopiano”, dy ditë pas goditjes nga një ortek.
Ekipet e shpëtimit bënë me dije se të mbijetuarit u zbuluan pas kërkimeve në dëborë, por jot ë gjithë janë nxjerrë. Mediat italiane shprehen se mes të shpëtuarve janë edhe dy fëmijë.
“Ata janë gjallë dhe ne jemi duke komunikuar me ta.”, është shprehur zëdhënësi Luca Curi në agjencinë e lajmeve “Reuters”.
Të paktën katër persona janë konfirmuar të vdekur, ndërkohë që ende nuk dihet fati i 20 të tjerëve. Ekipet e shpëtimit po vazhdojnë punën në kushte të vështira.
Fillimisht u përfol për gjashtë të mbijetuar, por numri u rrit në tetë.
Kanali televiziv italian “Rai” raportoi fillimisht se bëhej fjalë për 6 të mbijetuar, mes tyre tre burra, dy gra dhe një vajzë e re. Ata kaluan të paktën 40 orë të bllokuar nën dëborë. (XH.A/SHUPLAKA)
