Dëbora e madhe dhe ortekët kanë vrarë më shumë se 106 njerëz dhe kanë plagosur dhjetra të tjerë në Afganistan.
Plot 53 persona humbën jetën vetëm në një fshat të quajtur Nuristan, për shkak se një ortek e goditi fshatin që ndodhet në kufirin Pakistanez.
Ndërkohë BBC raporton se edhe trembëdhjetë të tjerë janë vrarë gjithashtu në një ortek në veri të Pakistanit, nëntë prej tyre në qytetin e Chitral.
Në këto dy vende, mediat lokale raportojnë për dhjetra shtëpi të shkatërruara dhe njerëz që janë ngrirë për vdekje, shumica të bllokuar në makina.
“Ortekët kanë varrosur dy fshatra të tërë”, tha një zëdhënës i Ministrisë për Fatkeqësitë Natyrore në Affanistan, për agjencinë e lajmeve AFP.
Sikur kjo të mos mjaftonte, autoritetet paralajmërojnë se të tjerë ortekë dhe stuhi dëbore pritet të ndodhin edhe gjatë ditëve të ardhshme. (D.D/Shuplaka)
