Misioni i Vëzhgimit të Zgjedhjeve të OSBE/ODIHR-it tashmë do të nisë punën në Shqipëri. Në njoftimin për shtyp të OSBE-së ndër të tjera shkruhet se ky mision do të nisë aktivitetin e tij më 8 maj, aktivitet që do fillojë me ftesë zyrtare të Qeverisë së Republikës së Shqipërisë.
“Prezenca e OSBE në Shqipëri përshëndet ngrohtësisht Misionin e Vëzhgimit të Zgjedhjeve të OSBE / ODIHR që do të vëzhgojë zgjedhjet parlamentare në Republikën e Shqipërisë të planifikuara për në 18 qershor 2017.
MVZ i OSBE / ODIHR do të fillojë aktivitetet e saj në Tiranë më 8 maj 2017. Në përputhje me mandatin e OSBE / ODIHR, vendosja e misionit vjen pas një ftese zyrtare nga Qeveria e Republikës së Shqipërisë për të vëzhguar këto zgjedhje dhe bazohet në gjetjet dhe konkluzionet e Misionit të Vlerësimit të Nevojave të zbatuara nga 6 deri më 9 mars 2017”, citohet në njoftim.
Me mbërritjen e këtij misioni mësohet edhe se kush do të jetë shefi i delegacionit, që do të monitorojë zgjedhjet parlamentare të caktuara për t’u mbajtur më 18 qershor.
Në njoftim bëhet me dije se delegacioni do të kryesohet nga Peter Tejler, ish-ambasador i tërhequr nga karriera diplomatike, ku më parë ka shërbyer në Suedi apo Uzbekistan.
(XH.A/SHUPLAKA)
