Në një kohë të trazuar për demokracinë dhe parlamentarizmin shqiptar, OSBE organizoi një seminar për përbërjen gjinore të Kuvendit, duke nxitur polemika me një pyetësor të veçantë. Deputetëve iu kërkua të përcaktojnë gjininë e tyre përmes tre opsioneve: mashkull, femër dhe “të tjera.” Ky opsion i tretë, sipas disa zërave, bie ndesh me ligjet dhe traditat shqiptare, të cilat njohin vetëm dy kategori gjinore: mashkull dhe femër.
Shumë figura të skenës politike shprehin shqetësime se ky veprim është një lloj “provokacioni” nga ana e OSBE-së për të tërhequr vëmendjen nga problemet serioze që përballen sot me demokracinë në Shqipëri, përfshirë izolimin politik të liderëve të opozitës dhe arrestimin e deputetëve. Disa e shohin këtë nismë si të papërshtatshme dhe e konsiderojnë se OSBE duhet të fokusojë vëmendjen tek zhvillimet kritike në politikën shqiptare.
Reagimi i plotë i deputetit Shehu:
Shqiperia me ligjet e saj, traditen e saj njeh zyrtarisht dy opsione seksuale:
Mashkull e femer.
– “Provokacion” i Zyres se OSBE ndaj Kuvendit, a heqje vemendje per deformimet e demokracise?!
Ne keto momente kaq ereta per demokracine shqiptare e parlamentarizmin.
Kur lideri i opozites eshte izoluar politikisht, deputete burgosen per denoncime, ish presidente rrembehen me dhune, parlamenti shkaterrohet…
OSBE organizon nje seminar per “perberjen gjinore” te Kuvendit!
Dhe shperndan nje pyetesor per deputet, te cileve u kerkohet te percaktojne “seksin” e tyre permes tre varienteve:
1-Mashkull
2-Femer
3-Te tjera
Se pari nuk me duket momenti i pershtatshem per te tilla pyetesore e seminare, kur OSBE duhet te kishte ne qender te saj zhvillimet e Kuvendit tone.
Por pertej kesaj, e gjej provokatore e ndesh me ligjet vendosjen e tre “opsioneve” per te percaktuar seksin deputetet.
Ne fakt e gjej edhe qesharake e fyese kete pjese, qe beri qe une te refuzoj te cfletoj me tej e pra te pergjigjem.
Pikerisht per kete desheroj te pyes autoret e atij pyetesori e seminari:
Cfare kuptojne ate me opsionin “te tjera” per seksin e deputeteve?!
Shqiperia me ligjet e saj, traditen e saj njeh zyrtarisht dy opsione seksuale:
mashkull e femer.
Shqiperia me Kodin e Familjes njeh vetem Familjen nga nje burre, nje grua e me shprese femijet, biologjike apo adotive ata.
Shqiperia ka ligje shume te qarta per adotimin e femijeve ne kete fryme.
Atehere pse OSBE merr persiper te perfshihet ne te tilla lojera?!
Kur duhej te denonconte shkeljet madhore te demokracise e parlamentarzmit ketu.
