Mes personave të infektuar me koronavirus në Durrës është edhe një punonjës i OSHEE ndërkohë që ditën e sotme rreth orës 12:00 qytetarët janë ndaluar të futen brenda zyrave të shërbimeve pasi kishte nisur dizinfektimi i ambjenteve.
Burime bëjnë me dije se klientët ishin paraqitur për të likuiduar faturat elektrike, ndërsa janë kthyer mbrapsht, ndërsa ky është rasti i parë pas dy ditëve që regjistrohet në Durrës.
Nuk dihet nëse janë marrë tamponët për stafin që punonte bashkë me punonjësin që ka rezultuar pozitiv,, ndërkohë duhet theksuar rreziku që mund të vijë në zyra të tilla, jo vetëm për punonjësit por edhe qytetarët.
Të paktën njëherë në muaj çdo qytetar duhet të paraqitet pranë sporteve për të paguar faturat dhe logjikisht kontakti e punonjësve me klientët është i madhe dhe i vazhdueshëm ç’ka përbën në këtë rast hapësirë për t’u shpërndarë.
Nga ana tjetër, nuk ka asnjë të dhënë si nga vetë OSHEE ashtu edhe nga institucionet shëndetësore rreth gjurmimit të personave që kanë pasur kontakt me punonjësin që ka rezultuar pozitiv me Covid-19.
(F.GJ./FAXWEB.AL)
Discussion about this post