OSHEE ndërpret energjinë, Durrësi do të vuajë sot edhe mungesën e ujit

Ndërprerja e energjisë elektrike do të shkaktojë edhe mungesën e ujit të pijshëm sot për banorët e Durrësit.

Sipas Ujësjellës Kanalizimeve Durrës, shkak për mungesën e ujit është bërë stakimi i energjisë elektirike nga OSHEE në stacionin e pompimit në Fushë-Kuqe.

Për pasojë, qytetarët e Durrësit nuk do të furnizohen me ujë nga ora 08:00 e mëngjesit deri në orën 16:00.

“Ujësjellës Kanalizime Durrës njofton qytetarët se sot në datën 25.1.2017, do të ketë ndërprerje të furnizimit me ujë nga ora 08:00 deri në 16:00. Shkak i ndërprerjes së furnizimit me ujë është stakimi i energjisë elektrike në stacionin e pompimit nga ana e OSHEE-së në Fushë Kuqe”, thuhet në njoftimin e UKD-së.