Një vit pas njoftimit të Operatorit të Shpërndarjes së Energjisë Elektrike në vend, për ndërtimin e kabinave elektrike në kryeqytet, raportohet shqetësimi se këto kabina janë ndërtuar pranë ndërtesave të banimit.
Një qytetar që banon në Laprakë, tregon për portalin “JOQ” se një nga kabinat elektrike po ndërtohet rreth 2 metra larg shtëpive të banimit, pas shkollës së Partisë në këtë zonë të Tiranës.
“Përshëndetje JOQ! OSHEE jonë e dashur ka disa ditë që ka nisur ndërtimin e një kabine të re elektrike, por kjo kabinë po ndërtohet jo më shumë se 2 metra larg shtëpive të banuara, këtu pas shkollës së partisë në Laprakë. Pavarësisht se ne shkuam u ankuam, dhe bëmë një kërkesë me shkrim, askush se mori parasysh dhe si për të mbuluar pisllëqet, këta vijnë dhe punojnë ditën e dielë. Në darkë kur u ktheva në shtëpi e kishin ngritur armaturën fshehurazi sikur të ishte objekt pa leje dhe ashtu duhet të jetë besoj. Së pari, kabina elektrike që do ndërtohet është 2 metra larg shtëpisë, ç’ka nuk lejohet në asnjë vend të botës, sepse ka rrezatim të dëmshëm. Së dyti, zhurma e shpërthimit që ajo shkakton është e madhe, por me sa duket OSHEE nuk do t’ia dijë për ne që jetojmë aty. Aty kishte vend plot, por këta e ndërtuan pikërisht ngjitur me murin e shtëpisë. Kjo është një kabinë e tensionit të lartë sepse këtu kalojnë telat e këtij tensioni dhe prandaj mendojmë se do jetë një rrezik permanent për ne, si për rrezatimin e dëmshëm, ndotjen akustike por edhe nëse shpërthen ndonjë zjarr në të atëherë të parët digjemi ne”, tregon qytetari.
Klevis Jahaj Drejtori i Drejtorisë Rajonale të OSHEE për Tiranën njoftoi në shtator të 2016-ës, se zonat ku do kryhen investime (kabina elektrike të reja dhe rigjenerimi fidrave të tensionit) janë, mbikalimi i Unazës së Re, përgjatë gjithë rrugës “Teodor Keko”, për të vijuar te pallatet “Hauai”, “Karavan”, që shtrihen përgjatë rrugës “Dritan Hoxha”, një pjesë e Laprakës, dhe përfundon deri te pallatet e “Izraelit”, pra deri në ish-Fushën e Aviacionit, etj. Ky projekt kishte si synim përmirësimin e situatës së furnizimit me energji elektrike për një periudhë 40-vjeçare. (D.D/Shuplaka)
[ngg_images source=”galleries” container_ids=”1430″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post