Nga dhjetori i vitit 2014 e deri në fund të 8 mujorit 2017 nga skemat lehtësuese të pagesës me këste të detyrimeve të prapambetura përfituan 339 mijë abonentë. Të paktën kështu ka deklaruar Operatori i Shpërndarjes së Energjisë Elektrike në vend (OSHEE).
Sipas këtij operatori, kjo u ka kursyer abonentëve 200 milionë dollarë kamatëvonesa që iu janë falur. Po ashtu, OSHEE bën me dije se gjysma e kësaj vlere reduktimi i takon kategorive në nevojë, si familje me ndihmë ekonomike, pensionistë mbajtës të kontratës, si dhe invalidët.
Numri i tyre është të paktën mbi 60 mijë të cilëve, OSHEE u ka ofruar mundësinë e pagesës me këste 1000 dhe 1200 lek/muaj, dhe nëse janë korrekt për një periudhë 6-mujore, i zerohet i gjithë kamata.
Revista Monitor shkruan se treguesit e performancës së OSHEE-së për periudhën janar-gusht tregojnë një rritje të energjisë së hedhur për konsum dhe faturuar.(D.D/Shuplaka)
Discussion about this post