Një nënë, e cila ka humbur çdo kontakt me djalin e saj që prej 20 viteshë, beson se ai është ende në jetë. Shahije Beqa, nga fshati Maqellarë i Dibrës, shprehet se djali i sa,j Fatos Beqa, në atë kohë 25 vjeç, i deklaruar i zhdukur që në vitin 1996 teksa ishte nisur drejt Italisë, është ende gjallë dhe se ajo dyshon që mbahet në burgjet e ishullit të Korfuzit.
Nënë Shahija thotë se tashmë nuk ka besim tek shteti shqiptar për të zbardhur të vërtetën e ngjarjes së madhe të 31 dibranëve të zhdukur këtu e 20 vite më parë.
Në këto kushte, ajo shton se do t’i drejtohet ambasadës amerikane në vendin tonë, e madje do të ngujohet atje për t’i kërkuar ndihmë në lidhje me këtë çështje.
“Jam e lumtur të më dëgjojë bota. Kërkoj skafin e 96-ës. Shtetit shqipatr nuk ja kërkoj sepse nuk e ka çarë kokën për këtë punë. Djali mendojmë se është gjallë. I drejtohem ambasadës amerikane dhe do ulem atje dhe nuk ngrihem më. Shteti shqiptar nuk më ka pritur fare. Djali më del në ëndërr vazhdimisht, thotë na kërkoni. Qoftë gjallë, qoftë i vdekur I dua këta djem pranë familjeve”, tha për Shuplaka.com nënë Shahija.
Ngjarja në fjalë ka ndodhur në marsin e vitit 1996dhe që prej asaj dite familjarët nuk kanë asnjë informacion mbi fatin e familjarëve të tyre. /Ekskluzive për Shuplaka.com/
Discussion about this post