Jo gjithmonë politika dhe sporti bëhen bashkë, ama ish-futbollisti i kombëtares gjermane Mesut Ozil ka zgjedhur ti ngatërrojë këto të dyja.
Pak kohë më parë futbollisti i ka dorëzuar Presidentit të Turqisë ftesën për në dasmën e tij, por duket se kjo nuk është pëlqyer nga kabineti i Merkel.
I pari që ka reaguar ka qenë Helge Braun shef i kabinetit të Angela Merkel.
Ai është shprehur i mërzitur dhe i indinjuar pas lajmit që ka pushtuar median rozë në një kohë të shkurtër.
“Patjetër që na trishton si lajm, pasi dikush që ka mbajtur kaq gjatë fanellën e ekipit të Gjermanisë, i cili u përball me një reagim të tillë të opinionit gjerman pas takimit të parë me Erdogan, dhe e gjitha kjo të përfundojë në këtë mënyrë, ky është një zhgënjim i vërtetë për tifozët dhe mua gjithashtu”, ka thënë z.Braun.
“Në fund të fundit, bëhet fjalë për një vendim privat që duhet ta pranojmë” – mbyll fjalën e tij shefi i kabinetit të Angela Merkel , Helge Braun.
Gjermania dhe Turqia prej më shumë se dy vitesh kanë një marrdhënie të ftohtë institucionale dhe siç duket prej kësaj arsye vjen dhe komenti. 
Ndërkohë që është dashur një paraqitje e dobët e përfaqësueses gjermane në Botërorin e Rusisë, që Ozil të sulmohej nga opinioni vendas për raportin e tij me Erdogan, gjë që çoi në aktin e dorhëqjes nga ekipi kombëtar.
Futbollisti është i fejuar me Amine Gulse, Miss Turqia në vitin 2014, aktore dhe modele.
Discussion about this post