Tregu i dimrit po afron dhe Mesut Özil përgatitet që të largohet për një tjetër aventurë. Lojtari gjerman me origjinë turke ka mbetur i bllokuar në Arsenal. Ndeshja e tij e fundit ishte në 7 Mars kundër West Ham dhe që atëherë ai nuk ka zbritur në fushë. Tekniku i arsenalit Mikel Arteta nuk ka krijuar besimin tek numri 10 në asnjë prej konkurseve. Arsenali vazhdon ta paguajë, por Özil nuk luan. Ai ka një kontratë me klubin londinez deri në qershorin e ardhshëm, por lojtari do që të largohet më herët.
Një alternativë është që ai të shkojnë në Turqi, vendin e origjinës së prindërve të tij. Konkretisht, Fenerbahçe ëndërron ta bëjnë të ketë në ekip yllin e Arsenalit këtë dëshirë e ka shprehur edhe presidenti i klubit Ali Koç. Ai thekson se është një transferim që e kanë ëndërr por ky afrim do të komplikohet për shkak të kushteve të vështira ekonomike që po kalon klubi pas rënies së pandemisë Covid-19. Operacioni mund të ndodh në janar vetëm nëse arrijnë të shesin lojtarë në mënyrë që të sigurojnë të ardhura për të blerë kartonin e lojtarit turko-gjerman.
“Tani për tani është një ëndërr . Nëse nuk shesim lojtarë, nuk do të jemi në gjendje të sjellim asnjë nënshkrim në janar. Kemi nevojë për përforcime të reja për pozicione të ndryshme. Mesut Özil ka qenë në rendin e ditës që kur kemi drejtuar një fushatë ‘Fener Ol’ për të mbledhur para për klubin. Mesut Özil është një tifoz i Fenerbahçe. Ai e pëlqen shumë klubin tonë. Ai gjithashtu ishte në rendin e ditës në fillim të sezonit, por është shumë e vështirë, klubi ynë tani nuk është në gjendje të përballet me një nënshkrim të këtij lloji. Do të ishte një ëndërr e vështirë të realizohej. Është një transferim i komplikuar, por është një ëndërr, “- tha presidenti i Fenerbahce Ali Koç.
Fenerbahçe ka rezervuar një ofertë për Özil, pas kaq shumë kohësh pa luajtur, nuk do të jetë e lehtë të gjesh një destinacion me kushtet ekonomike që ai ka shijuar deri më tani në Arsenal. Për ish-lojtarin e Real Madrid, nuk do të jetë e lehtë të ribashkohesh me elitën pas praktikisht një viti pa luajtur në fushë ku edhe gjendja e tij fizike është duke rënë.
(E.G/Faxweb.al)
Discussion about this post