Protesta e parë e ‘Lëvizjes Vetëvendosje’ në Tiranë ka nisur me dhunë dhe konfrontime me Policinë e Shtetit.
Por përpos protestuesve, ‘rregulla’ të forta janë vendosur dhe për gazetarët, operatorët apo dhe fotoreporterët të mediave të ndryshme.
Gjatë kohës që Policia e Shtetit konfrontohej ashpër me protestuesit, gazetarët e kishin të pamundur të qëndronin në afërsi të tyre, me preteksin se tubimi ishte i paligjshëm.
Në raportimin live që FaxNews i ka bërë protestës, gazetares së terrenit, i është dashur thuajse gjithë kohës të qëndroj pas kordonit të policisë.
Ndërkohë që përpos ndalimit të gazetarëve dhe fotoreporterëve, nga dhuna e ushtruar pak më parë kanë nisur edhe procedimet e para.
Një protestues identitetit i të cilit ende nuk është bërë i ditur është shoqëruar në komisariat.
