Nëse ka një njeri që duket se ka lindur drejtues është padyshim Armando Duka, që për kreun e Federatës, ende nuk i është gjetur zëvendësuesi.
Po mesa duket për zgjedhjet që pritet të zhvillohen vitin e ardhshëm, do të ketë një rival të denjë, deputetin e PS-së, Bashkim Finon.
Po edhe pse gara nuk është zyrtarizuar ende prej disa ditësh kanë nisur thumbat në distancë, teksa Duka është shprehur se në rast se Fino kandidon do të ishte mirë të shpallej nga Selia e Partisë.
“Bashkimin e respektoj si njeri dhe e kam mik. Nëse ka projekte pse jo. Fakti që është pjesë e një partie është dicka që duhet ta gjykoj ai, nëse partia do ta kandidoj do ishte mirë ta kandidonte nga selia e partisë. Çfarë do të thotë kjo? Qe të jetë kandidat i zyrtarizuar i Partise Socialiste“, tha Duka.
I menjëhershëm ka qenë edhe reagimi i Bashkim Finos, i cili është shprehur se beson që ajo që Duka ka thënë ka qenë në formën e sarkazmës dhe se midis të dyve ka një miqësi. Po ashtu ish-kryeministri e ka lënë të hapur mundësinë e garimit.
“Me sa di unë, ishte në kuadrin e sarkazmës. Megjithatë, unë mund të them se, meqenëse e kam mik, Duka duhet ta kursente sarkazmën me Partinë Socialiste sepse PS-ja i ka bërë nder. Gjithashtu duhet ta kursente sarkazmën edhe me emrin tim, Bashkim Fino”, është shprehur ai.
Edhe pse kandidimi i Bashkim Finos do ta bënte më reale garën për kreun e FSHF-së, shumë sportdashës dhe njerëz që e njohin mirë këtë fushë, ngrenë pyetjen: a ja vlen që ta zëvendësojë politika edhe kreun e FSHF-së?!
(E.K/FAXWEB)
Discussion about this post