Ditën e sotme Faxweb.al raportoi nga informacionet e marra përmes byrimeve se kishte ndërruar jetë babai i pacientit zero në Dobraç të Shkodrës, i testuar pozitiv gjithashtu për COVID 19.
Sipas të dhënave që disponon Faxweb.al i moshuari prej 3 muajsh kishte frakturë koksofemorale pasi vuante nga një sëmundje tjetër dhe mbahej në banesë nën kujdesin e familjarëve, diçka e cila është konfirmuar edhe nga Ministria e Shëndetësisë pak minuta më parë.
Ministria shprehet zyrtarisht se 85-vjeçari, me inicialet E.L., i cili ka ndërruar jetë në banesën e tij në Shkodër, nuk ka humbur jetën si pasojë e COVID19 por për shkak të një frakture koksofemorale dhe vuante nga diabeti mellitus, sëmundje kardiake dhe hipertension, ka ndërruar jetë si pasojë e infarktit të miokardit ditën e sotme.
“85-vjeçari ka qenë bartës i COVID19, i konfirmuar gjatë hetimit epidemiologjik të kryer tek të gjithë anëtarët e familjes së tij në Shkodër, por ka qenë asimptomatik gjatë gjithë kohës, pra pa shenja të sëmundjes. 85-vjeçari ndiqej nga mjeku i familjes, i cili ka konfirmuar se shkaku i vdekjes është infarkti i miokardit”, thuhet në reagimin e ministrisë.
Gjithashtu mësohet se pacienti zero, 56 vjeç i cili kishte dhe një njësi tregtimi ka infektuar të 10 familjarët e vet, ndërsa burimet bëjnë me dije se ai mund të jetë një nga të shëruarit prej virusit COVID 19.
Gjithashtu janë gjurmuar dhe të gjithë kontaktet e 56-vjeçarit për të parë rrethin e të infektuarve prej tij.
Njoftimi i plotë:
Lidhur me lajmin e publikuar në media për vdekjen e një pacienti me COVID19 në Shkodër, Ministria e Shëndetësisë dhe Mbrojtjes Sociale informon se:
I moshuari 85-vjeçar, me inicialet E.L., i cili ka ndërruar jetë në banesën e tij në Shkodër, nuk ka humbur jetën si pasojë e COVID19.
I moshuari, i cili prej dy muajsh qëndronte i palëvizur për shkak të një frakture koksofemorale dhe vuante nga diabeti mellitus, sëmundje kardiake dhe hipertension, ka ndërruar jetë si pasojë e infarktit të miokardit ditën e sotme.
85-vjeçari ka qenë bartës i COVID19, i konfirmuar gjatë hetimit epidemiologjik të kryer tek të gjithë anëtarët e familjes së tij në Shkodër, por ka qenë asimptomatik gjatë gjithë kohës, pra pa shenja të sëmundjes. 85-vjeçari ndiqej nga mjeku i familjes, i cili ka konfirmuar se shkaku i vdekjes është infarkti i miokardit.
Ministria e Shëndetësisë dhe Mbrojtjes Sociale i shpreh ngushëllime familjes së të ndjerit dhe siguron opinionin publik se do të informojë për situatën, sikundër ka bërë deri tani. Sqarojmë edhe një herë se 85-vjeçari, nuk është viktimë e COVID19 në Shqipëri.
(F.GJ/FAXWEB.AL)
