Presidentja e Forumit të Grave të Partive Popullore Europiane, Eurodeputeja Doris Pack ka qëndruar disa ditë në venidn tonë. E thërritur fillimisht në forumin e grave demokrate të mbajtura në Tiranë, ajo ka vijuar takime edhe nga qyteti i Kukësit. Padyshim që Pack ka folur për zhvillimet në vend duke e quajtur të papranueshëm nivelin e kriminalitetit, korrupsionit dhe kanabizimin e vendit.
‘’Jam e zhgenjyer që Shqipëria ndodhet në këtë situatë, pas marrjes së statusit të vendit kandidat në sajë të reformave te qeverise së mëparshme. Nuk arrij ta mendoj se në Parlament keni deputet të të gjykuar për vepra kriminale. Nëse dëgjoni ish ministrin e drejtësisë, kuptoni shumë.
Nuk e kuptoj si qëndron në këmbë kjo qeveri. Mendoj se eshte nje alarm. Nëse do të isha Kryetare Partie dhe të kisha nje ministër në këtë situatë do te dija çfarë të bëja. Është ministri i drejtësisë i kësaj qeverie dhe e di shume mirë se çfarë thotë. Dhe nëse i vetmi reagim i Kryeministrit është shkarkimi i tij, kjo nuk është praktika e duhur në një sistem demokratik. Keni shkallë të lartë papunësie, ndërkohë që keni shume të rinj të arsimuar dhe të aftë për pune’’, ka thënë Pack.
Padyshim që deklaratat e bëra nga ish-Ministri Manjani në çdo vend me demokraci të konsoliduar do të duhet të merreshin në konsideratë nga organet e drejtësisë. (E.K/SHUPLAKA)
Discussion about this post