Kryetari i Aleancës Kosova e Re Behgjet Pacolli ka reaguar në lidhje me situatën politike që po kalon Kosova për krijimin e qeverisë së re. Ai ka thënë se Kosova është duke u kthyer në një regjim komunist.
Kjo deklaratë e tij vjen në një kohë pas incidentit për moslejimin e avionit të tij privat për tu ulur në Prishtinë. Kujtojmë se para pak ditësh Pacillo nuk u lejua të hyjë në Kosovë në kuadër ë masave kundër pandemisë të marra nga qeveria Kurti.
Ai deklaroi se asnjëherë nuk ka shprehur kundërshtimin e tij për një vendosje të mundshme të tij në karantinë, në Qendrën e Studentëve, në Prishtinë dhe se se ka qenë i gatshëm të karantinohet në konvikt.
“Asnjëherë s’jam shprehur kundër shkuarjes në konvikt. Kam qenë i gatshëm të shkoj,do të ishte nder, të jem me pjesën tjetër të qytetarëve”, ka thënë Pacolli.
Lidhur me krijimin e qeversë së re në Kosovë ai tha se do të kundërshtojë gjithmonë Albin Kurtin dhe partinë e tij.
“Asnjëherë s’do ta votoj më Albin Kurtin, as Vetëvendosjen në çfarëdo qeverie”,do të jem opozitë e fuqishme, jam tejet i zhgënjyer për mënyrën se si qeveris”, ka thënë Pacolli.
Pacolli shkoi më tej kur foli për marrëdhënien mes tij dhe kryeministrit në detyrë Kurti në këto kohë madje duke folur edhe për kërcenime.
“Gjuhë e ulët, e turpshme, pa edukatë. E kam telefonin plot me kërcënime. Jam teper i frikësuar kur e di se Albin Kurti po shfrytëzon një gjeneratë të adoshences së Kosoves’’,- tha ai.
Discussion about this post