Pacolli lajmëron: Nesër në NATO

Zëvendëskryeministri i parë i Kosovës, njëherësh ministër i Punëve të Jashtme i vendit, Behgjet Pacolli, ka lajmëruar se ditën e nesërme do ta vizitojë Selinë e NATO’s në Bruksel.

Pacolli shkruan se do të takohet me zëvedës-sekretaren e përgjithshme të NATO’s, Rose Gottemoeller.

“Zëvendëskryeministri i parë dhe Ministri i Punëve të Jashtme, Behgjet Pacolli, nesër do të vizitojë Selinë e NATO-s në Bruksel, dhe do të takohet me Zëvendës Sekretarin e Përgjithshëm të NATO-s, Znj. Rose Gottemoeller”, shkruan Pacolli.

Ndërkohë vizita e tij në Bruksel bëhet pas asaj që ai realizoi në Mal të Zi, ku bisedoi për marrëveshjen e demarkacionit të kufirit ndërmjet dy vendeve.

(S.SH/Shuplaka)