Kreu i AKR-së Behgjet Pacolli ka uruar Presidentin më të ri të Republikës Ilir Meta të zgjedhur sot unanimisht nga Kuvendi.
“Z. Meta në cilësinë e ministrit të jashtëm në atë kohë ka dhënë kontribut të jashtëzakonshëm për Kosovën. Jam i bindur se Shqipëria e ka sot presidentin e duhur i cili do ta unifikojë skenën politike në vend,”- shkruan Pacolli në rrjetet sociale.
POSTIMI:
Presidenti Ilir Meta….
Sapo telefonova Presidentin e sapozgjedhur të Shqipërisë z.Ilir Meta dhe ja urova zgjedhjen e tij në krye të shtetit shqiptar. Me z. Meta ndaj përvoja të jashtëzakonshme gjatë kohës së lobimit për njohjen e pavarësisë së Kosovës. Z. Meta në cilësinë e ministrit të jashtëm në atë kohë ka dhënë kontribut të jashtëzakonshëm për Kosovën. Jam i bindur se Shqipëria e ka sot presidentin e duhur i cili do ta unifikojë skenën politike në vend. Urime President, urime vëllau im!
Meta u zgjodh sot me 87 vota pro dhe 2 kundër për të qenë Presidenti i Republikës duke zëvendësuar Nishanin i cili qëndron në detyrë deri në 24 korrik. Meta e ka mandatin deri në vitin 2022.
(M.D/Shuplaka)
