Këtë të martë, zëvendëskryeministri dhe ministri i Jashtëm, Behgjet Pacolli, do të qëndrojë në Mal të Zi për çështjen e Demarkacionit.
Atje në Podgoricë, Pacolli do të takohet me homologun e tij, Ministrin e Jashtëm malazez Srdjan Darmanović.
Ky takim mes dy homologëve pritet të zhvillohet rreth orës 10:15 në një vilë. Mirëpo ky nuk do të jetë takimi i vetëm për Pacollin gjatë ditës së martë.
Më vonë Pacolli do të takohet edhe me zëvendëskryeministrin e Malit të Zi, njëherësh edhe Ministër i Drejtësisë, Zoran Pazhin. Ky takim është planifikuar në ora 11:20 në kabinetin e Pazhinit.
Menjëherë pas këtij takimi, rreth orës Në 12:00, në të njëjtën villë, Pacolli do ta takojë homologun e tij të jashtëm të Malit të Zi, do të takohet edhe me Kryetarin e Parlamentit malazez Ivan Brajović.
Po ashtu në të njëjtin vend, 40 minuta më pas është rezervuar takimi me Presidentin e Malit të Zi, Filip Vujanović.
Vargu i gjatë i takimeve të Pacollit do të përmbyllet me një takim që do mbahet rreth orës 15:15, me drejtuesit e Partive Politike Shqiptare në Mal të Zi. (D.D/Shuplaka)
