“Padi për shpifje”, Vokshi i përgjigjet Dakos: Të fortit e shtyjnë ditën në burg me barcaleta!

Deputetja e Partisë Demokratike, Albana Vokshi, me anë të një postimi në rrjetet sociale i është përgjigjur kreut të bashkisë së Durrësit  Vangjush Dako, i cili u shpreh se do ta padisë atë për shpifje.

Vokshi ka ironizuar me kryebashkiakun e Durrësit, ku shkruan se Dako ka filluar të mbledhë baracaleta dhe anekdota.

“Thuhet, se ditët në burg janë monotone, e të fortët i shtyjnë me barcaleta dhe me anekdota.”- shkruan Vokshi.

Postimi i plotë

DOSJA Nr. 339 “BËRTET” SHUMË FORT

Më vjen mirë që Zoti Dako ka filluar të mbledhë barcaleta.

Thuhet, se ditët në burg janë monotone, e të fortët i shtyjnë me barcaleta dhe me anekdota.

Është përgatitje e mirë për të ardhmen që e pret. Banditët politikë dhe banditët e rrugës do të përfundojnë në burg që të clirohet Durrësi dhe gjithë Shqipëria nga krimi, betoni dhe xhuxhëria njerëzore dhe mendore.

Dosja nr. 339 “bërtet” shumë fort.

As statuset e rëndomta të shkruara në dëshpërim, as kërcënimet me padi, nuk e shpëtojnë dot z. Dako nga destinacioni i rradhës: burgu.

(M.Q/Faxweb)