Padia e “Forca Rini” ndaj PD e PR, Kolegji Zgjedhor përzgjedh trupën që do shqyrtojë çështjen

Sot është hedhur shorti nga Kolegji Zgjedhor ku ka përzgjedhur trupën gjykuese, e cila do të shqyrtojë kërkesë padinë e partisë “Forca Rinia”.

Kjo parti kërkon anulimin e vendimeve të KQZ për regjistrimin e PD dhe PR për të marrë pjesë në zgjedhjet Parlamentare të 25 qershorit. 

Sipas saj, regjistrimi i këtyre dy subjekteve ishte antiligjor pasi u bë jashtë afateve kohore të përcaktuara në ligj. 

Relator i çështjes për shqyrtimin e kërkesës së partisë “Forca Rinia”, me short u zgjodh Sotiraq Lubonja, ndërsa anëtar të trupës gjyqësorë janë Artur Malaj, Shkëlqim Mustafa, Tomorr Skreli dhe Astrit Kalaja.

(M.D/Shuplaka)